Descripción del producto
Txus Villalabeitia gitarrista eta musikagilea bueltan da Losado bakarkako proiektuaren lan berri batekin, 2020ko EParekin debutatu (“Losado”, Bonberenea Ekintzak – Bonb 098) eta bost urtera.
Impasse hori, ordea, ez da harritzekoa, gitarrista eta konpositore gasteiztarrak beti heldu baitio musikari bere bizitzako eta musika-ibilbideko bizipen pertsonal eta musikalek piztutako emozioen arabera.
Horri gehitzen badiogu artista independente batek gaur egun disko bat konposatu, grabatu eta editatzeko pasatu behar dituen buruko minak, EP berri honek iluna irudi lezake hasiera batean; baina, duda gabe, guztiz kontrakoa da: entusiasmo-ariketa saiatu bat da, kantari, gitarrista eta konpositore gisa, pertsona gisa, handitzen jarraitzeko ezinbesteko premiaren adierazpen zintzoa.
Diskoa Karlos Osinagak grabatu du, Tolosako Bonberenea Estudioan, eta bertan izan ditu alboan beste behin ere Rafa Camisón baterian (Gas Drummers, The Ships, Gentemayor) eta Aitor Acosta baxuan (Libe, Neubat, Vice Presidentes). “A pesar de los Silencios” disko berriak aurrekoak baino tonu energikoagoa du, bizitasun handiagoa, ilusioa aurkitzea hain zaila den garai hauei buelta emateko ahaleginean .
Horri guztiari aurre egiteko ezinbesteko pizgarri gisa sortu dira bost abesti berri. Oraingoan, ahotsa inoiz baino presenteago eta seguruago agertzen da, soinu aberats eta konplexuago batez lagunduta, Losadoren mundu berezian murgilduko gaituena. Bertan, gordintasuna eta edertasuna elkartzen dira, eta bizitzan bezain argi agertzen zaizkigu.
Lan honek ez du entzulea epel utziko, hazi egiten da egungo zailtasunen aurrean, ñabardura berriak eskaintzen ditu entzunaldi bakoitzean.
Beste behin, Bonberenea Ekintzak zigiluak argitaratu du lan hau eta, oraingoan, Aloud Music zigilu katalanak ere babestu du.
Tracklist:
A aldea
El Aladid
Confiar
Florecer
B aldea
No da igual
A pesar de los silencios
Harremanetarako:
txusvillalabeitia@gmail.com
