Bonberenea Txarangaren lehen hazia 2003ko irailean erein genuela esan daiteke, Bonberenearen 6. Urteurrena ospatzeko ekitaldien prestaketen arira. Egia esan,txaranga gehientxuenak horrelaxe sortu izan dira, festa edo ospakizunen bat girotzeko intentzioarekin lagun koadrila bat elkartuta, jaia ezin baita musikarik gabe ulertu. Bilkura hura espreski egun bakar hartarako bazen ere, lanari ekin genion, eta proeiktuak egundaino martxan eta bizirik dirau.

Ibilbide honetan zehar han eta hemengo bazterrak girotu ditugu (Tolosako ihauteri, San Juan, eta auzoetako jaiak, San Ferminak, Maritxu Kajoi, Hondarribiko Olearso jaialdia, Alegiko jaiak, Korrika, Gaztetxe martxa) eta baita hainbat proiektuetan parte hartu ere (Bonberenea Suffle-ren aurkezpena 2006, Pirritx eta Porrotxen Maite Zaitut eta Mari Motots bideoklipak); musika eta jaia kohesio sozialerako herramienta gisara erabiliz, eta elkarbizita eta elkarulermenera gonbidatuz.

2005ean kaleratu genuen gure lehen diskoa, Bonberenea Ekintzak-ek ekoitzia eta Karlos Osinaga-k "Txap" grabatua. Diskoa fresko eta alaia izan zen, gure gaztetasunaren seinale, eta aparteko esperientzia hark proiektu sakonagoetan murgiltzeko gogoa piztu zigun.

Modu honetan aurkezten dizuegu gure azken proeiktua, ROCKA TA URREZKO KOMONA, Bonberenean lagunartean burutua, eta ilusioak eta lanak aurrera ateratzea ahalbidetu digutena. Diska, Partitura liburua eta Bideoklipaz osatutako lana da eta berrogei musikari inguru bildu gara Bonberenean Txap-en gidaritzapeko grabaketan. Entzutearen entzutez hain ezagunak zaizkigun Rock abestien bertsio bilduma osatu dugu, iada memoria musikal kolektiboan kokatzen diren abesti hauei berrinterpretazio bat emanez eta guretzat txaranga munduan berria zaigun sonoritate batekin esperimentatuz.