Jone
Jone kantariak bere lehen CDa aurkeztuko du urriaren 20an, osteguna, goizeko 12:00etan, Donostiako Koldo Mitxelena Kulturunean. Bonberenea Ekintzak zigiluak argitaratu du aipatu diskoa.
Anoetako (Gipuzkoa) Jone abeslariak 19 urte besterik ez izan arren, musika munduan ez da hasi berria. Kantaldi batzuk eginak baititu jadanik, eta grabazio estudioan ere aritua baita. Iragan urtean, ‘Estutasuna‘ izenburuko kantua grabatu baitzuen ‘Martxaundi 4’ (Bonberenea Ekintzak, 2004) bilduman parte hartzeko.
Aipatu kantuan, sekulako ausardia eta sentiberatasuna erakutsi zuen Jonek, musikazale ugari harrituta utziz. Kantu eder horren jarraipen ezin hobea da osatu berri duen CDa.
Guztira, sei kantu berri grabatu ditu, Bonbereneako estudioan. Karlos Osinaga ‘Txap’ arduratu da grabazioaz, eta Jonerekin batera, Karlos Aranzegi (bateria), Fran Iturbe (gitarra) eta Joni Ubeda (baxua) aritu dira
Jonek hainbat jendaurreko emanaldi egingo ditu datozen asteetan, bere lehen laneko kantuekin.
info gehiago: joneotxoa@hotmail.com
Harremanetarako:
Zuzeneko argazkiak
05/12/16 - Legorretako gaztetxea
05/11/05 - Bonberenea
05/10/19 - San Esteban auzoko jaiak (Tolosa)
06/10/28 - Bonberenea
