Igaro berri den Azarotik martxan da dagoeneko Bonberenearen 17. urteurreneko egitaraua. Beste urte batez, agertu dira herrian zehar hauxe iragartzen duten kartelak. Beste urte batez, kartel hauek bete-beteak datoz era askotako emnaldiez. Kontzertuak, txapelketak, urtean zehar argitaratutako diskoen zerrenda etab. Azken finean, beste urte oparo bat itxiko du gaztetxeak datorren hilabetean. 17 urte dagoeneko, ez da gutxi.
Berrikuntza ugari egon da aurten ere, paradoxikoki berrikuntzak direlako etxe honen egunerokoa. Izan ere, aurten espazioak berak ere jasan du aldaketarik. Horrela, esan dezakegu adibidez, etxearen kanpoaldeak itxura berri bat duela, autoak eta furgonetak sartzen diren ate handitik eraikinaren sarreraraino doan bidea berritu baita, bere aurreko egoerak ematen zituen arazoak saieztuz (lokatza, putzuak, etab.). Bestalde, grabazio estudioaren eraikuntza eta itxuratzea amaitutzat eman daiteke urtean zehar egin den lanarekin, batez ere sabaiari dagokionez. Entsegu lokalari ere itxura berri bat eman zaio, bertako paretak margotu baitira. Ez dira gutxi izan beraz, pladur, adreilu eta margo tartean igarotako orduak. Mantentze-lanak, gainerako guztiak posible egiten dituztenak eta hauek bezain garrantzitsuak.
