Bonberenea Sutan

Bonberenea Sutan kanpaina aldarrikatzaile bat da. Berau 2007an jarri zen martxan, gaztetxearen etorkizuna eta San Esteban auzoaren ordura arteko izaera zalantzan jartzen zuen makro proiektu urbanistikoari erantzuteko asmoz. Bonberenea Sutan, “San Esteban-Laskorain Goikoa” bezala ezaguna egin eta 1140 etxebizitza berri eraikitzea aurreikusten zuen plan urbanistikoaren aurka azaltzeaz gain, Bonberenearen etorkizunari berme legala eskatzen dion kanpaina da. Erakunde eskudunei eskatzen zaiena da bermatu dezatela Bonberenea dagoen tokian geratuko dela eta bere etorkizuna ez dela garaian garaiko Udalaren erabakien araberakoa izango.

Kanapinaren barruan integratu daitezke orain arte egindako hainbat ekimen. Horien artean ezagunena Bonberenea Sutan musika jaialdia da, baina beste hainbat aldarrikapen burutu izan dira urte hauetan: firma-bilketa masiboa, 2010eko kalejira, Piromanoen deialdia…

Gaur egun kanpaina bertan behera utzita dago, San Estebango auzotarrek prozesu parte hartzaile eta demokratiko baten ondorioz aurreikusita zegoen plana atzera bota eta Bonberenea bertan geratzea bermatzen duen bat aukeratu zutelako. Espero dugu ez dugula berriro martxan jarri beharrik izango…

Jaialdia

Lau edizio izan dira jada Bonberenea Sutan jaialdia izandakoa. Bertan atxikipena eta laguntza bilatzen da, eta aldarrikapena lau haizetara zabaltzen da, hori bai, eta beti bezala, musikaren laguntzaz.

Piromanoen Deialdia

Piromanoen deialdia 2012an gertatu zen, eta aldarrikapena buruan, hainbat eragile politiko etorri eta Bonberenearen egoeraz hitzaldi eta solasaldi bat izan zen.

Kalejira

Kristoren festa gertatu zen 2010an, San Juanetan alegia. Bertan, Bonbereneak aldarrikapena erabili zuen lehen mugimendu erraldoia sortzeko. Bertan, hainbat eta hainbat kultur eragilek parte hartu zuten, eta nola ez, kaleko jendea, aldarrikapena eta umore ona nahastuz.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Compartir con un amigo